Կառավարության այօրվա նիստում ՀՀ վարչապետն անդրադարձել է ստրիպտիզ-ակումբների տեղափոխությանը՝ Երևանի բազմաբնակարան շենքերին հարող տարածքներից:
Տնտեսական զարգացման և ներդրումների, տարածքային կառավարման ու զարգացման նախարարությունների ու քաղաքաշինության կոմիտեի ղեկավարներին Կարեն Կարապետյանը հանձնարարեց համայնքների ղեկավարների հետ քննարկել այդ խնդիրը:
«Անհրաժեշտ է նախատեսել փոփոխությունները կյանքի կոչելու համար ողջամիտ ժամկետներ ու պայմաններ, որպեսզի տնտեսվարողները կարողանան ժամանակ ունենալ իրենց գործունեությունը վերակազմակերպելու համար»,-նշեց Կ. Կարապետյանը:
Նա շեշտեց՝ խոսքը վերաբերում է ստրիպտիզ ու դրա նման զվարճանքի ակումբերին:
«Որովհետև շատ բողոքներ կան, այդ իսկ պատճառով, կարծում եմ, որ մենք պետք է արձագանքենք»,- ասաց Կարեն Կարապետյանը:
Отправить комментарий